ITEM, In the Parliament halden at Edinburgh, the xij. day of November, the zeir of God 1526. zeires. The quhilk day, anent the Artickle of slauchteris, murtheris, burning: IT IS statute and ordained, that the Acts maid thereupon of before, and the auld Lawes be keiped, with this addition, that quha cummis and burnis folkis in their houses, and cornes, and wilful fyre-raysing, be treason, and lese-majestie, because sik deides ar exorbitant, and mair against the common weill, then uther crymes. And particular Justice airis, or general Justice airis, be set thereto, as sall pleis the Kings Majestie, his Councel, and the Justice for the time, with their consent. Providing, that it sall be lesum, to ony man to persew, and follow common thieves, and rebellis to take them. And gif they enter in houses, that it sall be lawful to invade, break or destroy the saidis housis, be fyre or utherwise, to the intent and effect of taking, or slaying of the saidis thieves, or rebelles, for the quhilk there sall follow upon the doeris, na paine, accusation, cryme, bot to be free theirof at all times.